சிதம்பராக்கல்லூரி பழைய மாணவர்களின் மாபெரும் ஒன்றுகூடல்

get 1உலகெங்கும் பரந்து வாழும் வல்வை மக்கள் ஒன்று திரண்டு வல்வை முத்துமாரி அம்மனை தரிசிக்க இங்கு வருகை தந்துள்ளனர். இச்சந்தர்ப்பத்தில் தாங்கள் கல்வி கற்ற சிதம்பராக்கல்லூரியை பார்வையிட பழைய மாணவர் தாய் சங்கம் ஒழுங்குகளை மேற்கொண்டுள்ளது. வட மாகாணத்தில் முதல் தரமாக அமைந்துள்ள விஞ்ஞான ஆய்வுகூடம் மற்றும் புதிதாக அமைக்கப்பட்டுள்ள பௌதீக வளங்கள் கணணி வலையமைப்பு இணையதளம் மின்பிறப்பாக்கி அவற்றின் பயன்பாடு ஆகியவற்றை நேரடியாக பார்வையிடலாம்.

இடைநிறுத்தப்பட்ட புதிய ஆண்கள் கழிப்பறை அமைக்கும் வேலைகள் பழையமாணவர் சங்கத்தின் முயற்சியால் பூர்த்தி செய்யப்பட்டுள்ளது.

Boys (1)CWN ஆல் முன்னெடுக்கப்பட்ட சிதம்பராக்கல்லூரி புதிய கழிப்பறைகள் அமைக்கும் திட்டம் மாசிமாத ஆரம்பத்தில் முற்றாக நிறுத்தப்பட்டது. மாணவர்கள் பயன்படுத்தும் கழிப்பறை வேலைகள் இடைநிறுத்தப்பட்டதால் கல்லூரி நிர்வாகம் பெரும் நெருக்கடிக்குள்ளாவதை கருத்திற் கொண்டு, புதிய நிர்வாகசபை உறுப்பினர்கள் உடனடியாக இவ்வேலைத்திட்டத்தை பொறுப்பேற்று மேலதிக நிதியை திரட்டி வேலைகள் பூர்த்திசெய்யப்பட்டுள்ளது.

வல்வெட்டித்துறை சிதம்பராக்கல்லூரி பழையமாணவர் சங்கத்தின் இரண்டாவது மாதாந்த நிர்வாகசபை கூட்ட அறிக்கை [24-03-2013]

24-03-2013சிதம்பராக்கல்லூரியின் பழையமாணவர் தாய்ச்சங்கத்தின் இரண்டாவது மாதாந்த நிர்வாகசபைக் கூட்டமானது 24-03-2013 மாலை 5 மணியளவில் கல்லூரி மண்டபத்தில் இடம்பெற்றது. மேற்படி கூட்டத்தில் கல்லூரியின் அபிவிருத்தி மற்றும் பிறவிடயங்கள் தொடர்பில் கலந்துரையாடப்பட்டு மிகமுக்கியமான தீர்மானங்கள் நிறைவேற்றப்பட்டன. அந்தவகையில் முதலாவது மாதாந்த நிர்வாகசபைக்கூட்டத்தில் கொண்டுவரப்பட்ட தீர்மானங்கள் மற்றும் மிக அத்தியாவசியமான செலவுகள் தொடர்பாக கொழும்பு பழையமாணவர் சங்கத்திடம் கேட்டுக்கொண்ட சிலவிடயங்கள் தொடர்பாகவும் கலந்துரையாடப்பட்டது.

வல்வெட்டித்துறை சிதம்பராக்கல்லூரி பழையமாணவர் சங்க முதலாவது நிர்வாகசபை கூட்டம் – 25-02-2013

26-02-20131வல்வெட்டித்துறை சிதம்பராக்கல்லூரி பழையமாணவர் சங்கத்தின் முதலாவது மாதாந்த நிர்வாகசபைக்கூட்டம் கல்லூரிமண்டபத்தில் 25-02-2013 திங்கட்கிழமை காலை 10.30 மணிக்கு நடைபெற்றது. மேலும் இக்கூட்டத்தில் சிதம்பராக்கல்லூரியின் கல்வி மற்றும் இணைபாடவிதான செயற்பாடுகள் தொடர்பான தேவைகள் கலந்துரையாடப்பட்டு முடிவுகள் எட்டப்பட்டது. 

சிதம்பராக்கல்லூரி பெண்கள் கழிப்பறை அமைக்கும் வேலைகள் பூர்த்தியாகியுள்ளன.

DSC 0593காற்றோட்டமுள்ள இலகுவாக பராமரிக்ககூடிய பெண்கள் கழிப்பறை நாற்பது நாட்களில் பல்வேறு சிரமங்களுக்கு மத்தியில் அமைக்கப்பட்டுள்ளது. வல்வெட்டித்துறை நகரசபைக்குட்பட்ட பிரதேசத்தில் அமைந்துள்ள ஒரேயொரு உயர்தர விஞ்ஞான பாடசாலையில், பாடசாலைச்சமூகத்தினர் எதிர்கொள்ளும் சிரமங்களை பெற்றோர்கள் தெரிவித்ததை கருத்திற்கொண்டு இத்திட்டம் மிக விரைவாகவும் அர்ப்பணிப்புடனும் நிறைவேற்றப்பட்டுள்ளது. ஆண்கள் கழிப்பறை அமைக்கும் பணி தொடர்ந்து நடைபெறுகின்றது.

நவீன விஞ்ஞான ஆய்வுகூடம்

amg fin (1)சிதம்பராக் கல்லூரி விஞ்ஞான ஆய்வுகூட வேலைகள் முழுமையாக பூர்த்தியடைந்துள்ளன.

கடந்த 27 ஆண்டுகளுக்கு மேலாக இயங்க முடியாமல் சிதைவுற்ற நிலையிலிருந்த வல்வை சிதம்பராக்கல்லூரி பௌதீகவியல் மற்றும் உயிரியல் ஆய்வுகூடங்களின் புனரமைப்பு வேலைகள் பூர்தியடைந்துள்ளது. வடமராட்சி வலயத்தில் வல்வெட்டித்துறை நகராட்சிமன்றத்திற்குட்பட்ட உயர்தரக் கல்லூரியான சிதம்பராக்கல்லூரி யாழ் மாவட்டத்திலேயே முன்னணித் தரத்திலான விஞ்ஞான ஆய்வுகூட வசதிகளை கொண்டிருந்தது குறிப்பிடத்தக்கது.

இன்று சிதம்பராக்கல்லூரி நலன்விரும்பிகளின் பெரும் ஆதரவோடு சிதம்பராக்கல்லூரி நலன்புரிவோர் வலையமைப்பினுடாக (CWN )மீண்டும் அதே தரத்துடன் புத்துயிர் பெற்றுள்ளது. மிகக்குறுகிய காலத்திற்குள் ஆரம்பிக்கப்பட்ட இவ்வேலைத்திட்டங்கள் CWN வலையமைப்பினரின் மிகச்சிறந்த திட்டமிடுதலின் மூலம் மிகத்துரிதமாக நிறைவுபெற்றுள்ளது. 

பாடசாலை பழையமாணவர் சங்கம் - வல்வெட்டித்துறை - புதிய செயற்குழு

10-02-2013 ஞாயிற்றுக்கிழமை நடைபெற்ற பழையமாணவர் சங்க பொதுக்கூட்டத்தில் தெரிவுசெய்யப்பட்ட புதிய செயற்குழு.

தலைவர் : அதிபர் திரு. கி. இராஜதுரை (பதவிவழியாக)
உப தலைவர்: திரு. ந. இராஜேஸ்வரன்
திரு. சிவா. கிருஷ்ணமூர்த்தி
செயலாளர் : திரு. கோ. சற்குணபாலன்

கால் கோள் விழா - 2013

 img 25-01-2013 (04)பிரதம விருந்தினர் - திரு. கொ. குணசிங்கம் (ஓய்வுபெற்ற ஆசிரிய ஆலோசகர், வடமராட்சி வலயம்) 

தலைமை - திருமதி. லோ. நகுலேஸ்வரன் (பிரதிஅதிபர்) 

வல்வெட்டித்துறை மக்கள்வங்கி உத்தியோகத்தர்கள் பிள்ளைகளுக்கு அன்பளிப்பு பொருட்கள் வழங்கினர்.